ភ្នំពេញ៖ ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ សម្តេច ស ខេង បានជាសះស្បើយពីជំងឺកូវីដ-១៩ ក្រោយពីសម្រាកព្យាបាលអស់រយៈពេល ៥ថ្ងៃកន្លងមកនេះ។ សម្តេច ស ខេង បានប្រកាសដំណឹងជាសះស្បើយនៅក្នុងផេកផ្លូវការនាព្រឹកថ្ងៃទី១៧ ខែឧសភា ឆ្នាំ២០២៣។
សម្តេចបានថ្លែងដូច្នេះថា៖ «នៅថ្ងៃនេះខ្ញុំបានជាសះស្បើយពីជំងឺកូវីដ-១៩ ហើយ ក្រោយពីបានអនុវត្តតាមវិធានសុខាភិបាល ដោយដាក់ខ្លួននៅដាច់ដោយឡែករយៈពេល ៥ថ្ងៃ ធ្វើលំហាត់ប្រាណ និងការព្យាបាល»។
ក្រោយពីជាសះស្បើយ សម្តេច ស ខេង នឹងមានវត្តមានជាសាធារណឡើងវិញ ដើម្បីបម្រើការងារជូនជាតិ និងប្រជាពលរដ្ឋ។
សម្តេចក្រឡាហោម បានអរគុណជាអនេកប្បការដល់វេជ្ជបណ្ឌិតកម្ពុជាដែលបានណែនាំ និងពិនិត្យព្យាបាលដល់សម្តេច ហើយសម្តេចក្រឡាហោមក៏អរគុណចំពោះជនរួមជាតិដែលបានយកចិត្តទុកដាក់ដល់សុខភាព និងជូនពរឲ្យបានជាសះស្បើយ។ សម្តេច ស ខេង មានវិជ្ជមានកូវីដ-១៩ តាំងពីថ្ងៃទី១២ ខែឧសភា ឆ្នាំ២០២៣៕
